2015 jylǵy 26 aqpan, Astana qalasy
Jasalǵan konsessııa sharttarynyń jáne berilgen memlekettik kepildikter men memleket kepilgerlikteriniń tizilimin júrgizý qaǵıdalaryn bekitý týraly
«Konsessııalar týraly» Qazaqstan Respýblıkasynyń 2006 jylǵy 7 shildedegi Zańynyń 10-baby 7-2) tarmaqshasyna sáıkes buıyramyn:
1. Qosa berilip otyrǵan Jasalǵan konsessııa sharttarynyń jáne berilgen memlekettik kepildikter men memleket kepilgerlikteriniń tizilimin júrgizý qaǵıdalary bekitilsin.
2. Qazaqstan Respýblıkasy Qarjy mınıstrliginiń Memlekettik qaryz alý departamenti (K.B. Aqjanov) zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń memlekettik tirkeýden ótkennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Mınıstr B.SULTANOV.
«KELISILDI»
Qazaqstan Respýblıkasynyń Ulttyq ekonomıka mınıstri
____________ E.DOSAEV
2015 jylǵy 26 aqpan
Qazaqstan Respýblıkasy Qarjy mınıstriniń
2015 jylǵy 26 aqpandaǵy №133 buıryǵymen bekitilgen
Jasalǵan konsessııa sharttarynyń jáne berilgen memlekettik kepildikter men memleket kepilgerlikteriniń tizilimin júrgizý qaǵıdalary
1. Jalpy erejeler
1. Jasalǵan konsessııa sharttarynyń jáne berilgen memlekettik kepildikter men memleket kepilgerlikteriniń tizilimi konsessııa sharttary boıynsha jasalǵan konsessııa sharttaryn jáne berilgen memlekettik kepildikter men memleket kepilgerlikterin memlekettik esepke alýdyń aqparattyq júıeleriniń keshenin bildiredi.
2. Bıýdjetti atqarý jónindegi ýákiletti memlekettik organ konsessııa sharttary boıynsha berilgen memlekettik kepildikter men memleket kepilgerlikteriniń tizilimin júrgizedi.
3. Respýblıkalyq menshikke bılik etý quqyǵyn júzege asyrý jónindegi ýákiletti memlekettik organ respýblıkalyq menshikke jatatyn konsessııa obektileri boıynsha jasalǵan konsessııa sharttarynyń tizilimin júrgizedi.
4. Oblystardyń (respýblıkalyq mańyzy bar qalanyń, astananyń) jergilikti atqarýshy organdary kommýnaldyq menshikke jatatyn konsessııa obektileri boıynsha jasalǵan konsessııa sharttarynyń tizilimin júrgizedi.
2. Tizilimderdi júrgizý tártibi
5. Respýblıkalyq menshikke jatatyn konsessııa obektileri boıynsha jáne kommýnaldyq menshikke jatatyn konsessııa obektileri boıynsha jasalǵan konsessııa sharttarynyń (budan ári - konsessııa sharttary) tizilimderine mynadaı málimetter engiziledi:
1) konsedent pen konsessıonerdiń ataýy jáne derektemeleri;
2) konsessııa obektisi;
3) konsessııa shartynyń jasalǵan kúni, qoldanylý merzimi jáne tirkeý nómiri;
4) konsessııa shartynyń mátini;
5) konsessııalyq jobanyń baǵasy;
6) konsessııa shartynyń tizilimge engizilgen kúni.
6. Konsessııa sharttary boıynsha berilgen memlekettik kepildikter men memleket kepilgerlikteriniń tizilimine mynadaı málimetter engiziledi:
1) qaryz alýshy (konsessıonerdiń) men qaryz berýshiniń ataýy jáne derektemeleri; 2) memlekettik kepildiktiń (memleket kepilgerliginiń) somasy;
3) memlekettik kepildiktiń (memleket kepilgerliginiń) berilgen kúni jáne tirkeý nómiri;
4) memlekettik kepildiktiń (memleket kepilgerliginiń) tizilimge engizilgen kúni.
7. Tizilimderdi júrgizý tizilimderdi basqarýdy ońtaılandyrýǵa jáne aqparatqa qol jetkizýdi ákimshildendirýge múmkindik beretin, derekterdiń senimdiligi men saqtalýyn qamtamasyz etetin mamandyrylǵan baǵdarlamalyq-tehnıkalyq keshenderdiń bazasynda aqparatty jınaýdyń, óńdeýdiń jáne saqtaýdyń elektrondyq júıeleri quraldarynyń kómegimen júzege asyrylady.
8. Osy Erejeniń 5 jáne 6-tarmaqtarynda kórsetilgen málimetter konsessııa sharty jasalǵan sátten nemese memlekettik kepildik (memleket kepilgerligi) berilgen kúnnen bastap bes jumys kúni ishinde elektrondy túrdegi tizilimderge engizilýge tıis.
9. Respýblıkalyq menshiktiń jumys istep turǵan obektileri boıynsha nemese qurylysy men paıdalanylýy konsessııa sharttarynyń negizinde júzege asyrylatyn respýblıkalyq menshik obektileri boıynsha jasalǵan konsessııa sharttaryna qatysty tıisti salanyń memlekettik organy (budan ári - basqarý organy) tıisti shart jasalǵannan keıin úsh jumys kúni ishinde osy Erejeniń 5-tarmaǵynda kórsetilgen málimetterdi zańnamada belgilengen tártippen basqarý organynyń mórimen rastalǵan nemese elektrondyq sıfrlyq qoltańba arqyly kýálandyrylǵan baspa jáne elektrondy túrde respýblıkalyq menshikke bılik etý quqyǵyn júzege asyrý jónindegi ýákiletti memlekettik organǵa jiberedi.
10. Qajet bolǵan kezde respýblıkalyq menshikke bılik etý quqyǵyn júzege asyrý jónindegi ýákiletti memlekettik organ basqarý organynan tizilimdi júrgizý úshin qajetti basqa da qosymsha málimetterdi nemese qujattardy suratýǵa quqyly.
11. Jasalǵan konsessııa shartyna jáne memlekettik kepildik (memleket kepilgerligi) shartyna ózgerister men tolyqtyrýlar engizilgen jaǵdaıda tizilimderge sondaı-aq osy taraýda kózdelgen tártippen osy Erejeniń 5 jáne 6-tarmaqtarynda kórsetilgen málimetterge uqsas engizilgen ózgerister men tolyqtyrýlar týraly málimetter engiziledi.
12. Tizilimder qazaq jáne orys tilderinde júrgiziledi.
13. Osy Erejeniń 5-tarmaǵynda kórsetilgen «asa mańyzdy», «óte qupııa», «qupııa» degen belgisi bar konsessııa sharttarynyń mátinderi nemese sharttyń jarııa etýge jatpaıtyn qupııa málimetterdi qamtıtyn bólimderi men bólikteri tizilimge engizilmeýge tıis.
14. Tizilimderdi júrgizý júkteletin ýákiletti organdar tizilimderdegi málimetterdi turaqty taldaý men qorytýdy júzege asyrady.
3. Qorytyndy erejeler
15. Tizilimderdi júrgizýdiń uıymdastyrýshylyq-tehnıkalyq jáne qarjylyq qamtamasyz etilýin olardy júrgizý júkteletin ýákiletti organdar tıisti qarjy jylyna bólingen bıýdjet qarajaty sheńberinde júzege asyrady.
16. Múddeli memlekettik organdardyń suraý salýlary men zańdy jáne jeke tulǵalardyń ótinishteri boıynsha tizilimderdi júrgizý júkteletin ýákiletti organdar tizilimderden suratylǵan málimetterdi beredi.
Suratylǵan málimetterdi berý Qazaqstan Respýblıkasynyń zańnamasynda belgilengen tártippen elektrondyq qujat aınalymynyń biryńǵaı júıesin paıdalana otyryp júzege asyrylýy múmkin.
Buıryq Qazaqstan Respýblıkasynyń Ádilet mınıstrliginde 2015 jylǵy 31 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10585 bolyp engizildi.